【短篇小论】常平公汽宇通ZK6825CHEVNPG21

今年8月底，东莞常平公汽引入省内首批共15台宇通H8进行运营。因为今年内，呢款车有可能出现喺广州，所以今次国庆假期，。不过感受完之后，真係有啲不如人意。点解咁讲呢？首先係因为超级缺钱嘅常平公汽将15台车里面嘅14台车贴上广告，先两个月就将原色扼杀晒，咁样真係好？

讲翻车呢部车，喺外观上来睇，东莞东坑镇运营中→_→)。其实车顶果个凸起物体入面装嘅唔係CNG气瓶，而係中信国安盟固利动力科技有限公司出品嘅锰系锂离子动力电池。点解要咁样布置电池呢？其实都係为咗车内空间最大化。外观方面，呢款车同样采用“借鉴”于Irisbus Iveco Magelys，俗称V面嘅“BRT造型”。车身尺寸方面，呢款车嘅长宽高为8250mm×2350mm×3265mm。

其实15部车入面有一部车係十分之特别嘅，就係下面呢部车了，其实佢係样板车，唔知大家从外观上有冇睇到有咩唔同呢？

睇睇司机位，同普通嘅宇通插电车冇咩唔同，有样嘢真係意想不到，呢批车居然配有威伯科刹车阀，实为好评。大家可以睇睇下图嘅样板车，再对比一下上图嘅量产车，有冇发现乜嘢唔同？除咗发动机仓一键灭火装置嘅位置唔同之外，样板车配有通达TD-10G播报系统(不过冇用到)，而且样板车嘅监控屏为触控屏，实为高端！另外，样板车配有电动调节后视镜，真係万万意想不到。除此之外有一个地方唔同，唔知大家有冇发掘到，发掘唔到就往下睇啦。

睇睇乘客区，可以睇到由于电池顶置，所以宇通H8嘅乘客区尾部冇带有设备间。得益于合理嘅设计，乘客区中部亦都冇“地铁座”。而且为咗使乘客区中部嘅空间更大，呢批车中右部嘅果张座椅喺上路之前都被拆除。

睇睇样板车嘅乘客区，座椅布局基本上同量产车一样，但係座椅从不知名品牌嘅“耳机凳”变为春山出品嘅世纪之星CS00322。

讲下实际上嘅乘坐感觉，其实都有啲不如人意。纯电模式下，感觉同H10、H11差唔多，但係一转到混动模式，槽点就来了。唔知係咪因为选用动力较细嘅玉柴4D发动机以及采用混联系统嘅原因，混动模式下车内震动特别大，而且总係有一种小马拉大车嘅感觉，呢种情况去到纯气模式下就会消失，真係奇怪。对比恶劣嘅乘坐感受，开车嘅师傅却留低“这车非常的好，我给满分”嘅评价，我都唔知应该去讲乜嘢好了。其实今次试乘都录咗一段视频，不过唔知点解基本上听唔出发动机嘅抖动声→_→大家将就住睇下啦(建议大家喺WiFi环境下观看，土豪请随意)

机械方面，呢批车同样采用最大功率为103kw嘅YC4D140N-50国五天然气发动机，电机采用额定功率为90Kw，最大功率为130Kw嘅宇通自家制YTM200-CV2-P永磁同步电机，空调采用科林诺S。亦都可以睇到，作为第一批使用睿控3.0系统嘅H8，其继续采用混联双电机+行星排传动设计，传统效率都係比较高嘅。而且比较低端嘅H8都采用电子式散热风扇，确实要比某啲厂家更良心。

再睇睇样板车嘅发动机舱，其实基本嘅机械布局都係一样嘅，只不过样板车采用透明嘅转向机油油壶以及多咗发动机舱检修灯。

其实LNG版宇通H8除咗将电池放到车顶获取车内空间之外，重有做乜嘢措施呢？例如其选装咗比较扁平嘅LNG气瓶，LNG加气口亦都放喺车嘅中右部。呢个设计可以避免产生“地铁座”，影响站立空间。

底盘行走方面，呢款车嘅地台采用二级踏步设计，前后车桥均为茂霖(精益达)出品，前桥为单推式碟刹，后桥为鼓刹，悬挂采用前三后四钢板悬挂。

记唔记得上面留咗一个疑问，叫大家找不同？其实喺仪表台嘅底部有一个控制器，咁佢係控制乜嘢嘅呢？相信大家睇外观都会睇到司机位下面有一个检修盖了，入面藏有我哋俗称“自动打油”嘅底盘润滑装置，果个控制器就係用来控制打油机。其实我想讲，常平公汽呢批车居然冇标配自动打油，真係相当地低级，认真辛苦晒做维修保养嘅师傅了。

最后贴上铭牌，14台量产车制造时间为2016年5月，而样板车制造时间为2016年4月。